ہندوستانی زائرین نے حرم امام رضا علیہ السّلام میں مزاحمتی تنظیموں کے لیے جاری چندہ مہم ”لبنان امام رؤف کی پناہ میں) میں شریک ہو کر ایک کلو سے زائد سونا، مزاحمتی تنظیموں کے لیے عطیہ کر دیا ہے۔
اسلامی جمہوریہ ایران کے مختلف صوبوں اور شہروں میں فلسطینی اور لبنانی مقاومتی تنظیموں کے لئے چندہ مہم کا سلسلہ عروج پر ہے۔
حرم حضرت امام رضا علیہ السّلام میں چندہ مہم کے سلسلے میں، امام کے زائرین اس مہم میں بڑھ چڑھ کر حصہ لے رہے ہیں۔
واضع رہے یہ مہم، ”لبنان امام رؤف کی پناہ میں“ کے عنوان سے جاری ہے۔
ہندوستان سے تعلق رکھنے والے امام رضا علیہ السّلام کے زائرین نے مہم میں حصہ لیتے ہوئے ایک کلو سونا مقاومت کے لئے عطیہ کر دیا ہے۔
امام رضا علیہ السّلام کے حرم مطہر میں جمعرات، جمعہ اور ہفتے کے دن خصوصی چندہ مہم جاری ہے، اس مہم کے دوران مختلف شعبہ ہائے زندگی میں فعال اور معروف شخصیات عطیہ دینے والوں کی حوصلہ افزائی کے لئے موجود ہیں۔
