Untitled Design 20231218 184042 0000

جموں سری نگر ہائی وے پر مہر ٹنل کی کھدائی

سائیڈ دیواروں پر دراڑیں ظاہر ہونے کے بعد کام معطل

سرینگر // 270کلومیٹر طویل جموں،سری نگر قومی شاہراہ پر مہر سرنگ کی کھدائی کا کام اس کی دیواروں پر “دباؤ اوردارڑیںآنے کی وجہ سے کام روک دیا گیا ہے۔ حکام نے پیر کو بتایاجموں و کشمیر کے ضلع رامبن میں سلائیڈ کے شکار مہر کیفے ٹیریا کو نظرانداز کرنے کے لیے 780میٹر لمبی سی قسم کی سرنگ کی تعمیر ڈیڑھ سال قبل شروع ہوئی تھی۔سرنگ کے کیفے ٹیریا موڑ کی طرف کھدائی کا کام اس سال جون میں اس وقت روک دیا گیا تھا جب اس کے منہ کو بڑے پیمانے پر لینڈ سلائیڈنگ سے نقصان پہنچا تھا۔ اب تک تقریباً 400 میٹر کھدائی کا کام مکمل ہو چکا ہے۔تعمیراتی کام انجام دینے والے ڈی ایم آر کنسٹرکشن کے ایک اہلکار نے کہا کہ مزدوروں کی حفاظت کے لیے، کنارے کی دیواروں پر “دباؤ اور بلجز” نظر آنے کے بعد کھدائی کا کام روک دیا گیا تھا۔”تمام مشینری اور افرادی قوت کو 12دسمبر کو ٹنل پروجیکٹ سے واپس لے لیا گیا تھا۔ کمپنی نے نیشنل ہائی ویز اتھارٹی آف انڈیا (NHAI) کو مطلع کیا ہے اور ماہرین اور ڈیزائنرز کی مشترکہ ٹیموں کی مکمل تحقیقات کے لیے سرنگ کا دورہ کرنے کا امکان ہے،” ایک سینئر اہلکار ڈی ایم آر کنسٹرکشن کے ونے کمار نے کہا۔جموں سری نگر قومی شاہراہ کو چار لین کرنے کا کام 2011میں شروع ہوا تھا اور کام کی سست رفتاری کی وجہ سے پہلے ہی کئی ڈیڈ لائنیں چھوٹ چکی ہیں۔

اس خبر پر اپنی رائے کا اظہار کریں

اپنا تبصرہ بھیجیں