ایران// پیرس پیرا اولمپک میں شرکت کرنے والے ایرانی دستے کے اراکین نے رہبر معظم انقلاب اسلامی آیت اللہ العظمی خامنہ ای سے ملاقات کی۔
ملاقات کے دوران رہبر معظم نے پیرا اولمپک میں شرکت کرنے والے دستے کے اسٹاف اور میڈل حاصل کرنے والوں کی حوصلہ افزائی کی اور کہا کہ ورزش اور کھیل کو بہت اہمیت دیں۔
انہوں نے کہا کہ گذشتہ دنوں کے دوران کھیلوں کے میدان میں حاکم ملکوں کی دوغلی پالیسی کھل کر سامنے آگئی۔
اس سے پہلے کھیلوں کے مقابلوں میں اعزازات حاصل کرنے والے مرد اور خواتین کھلاڑیوں نے اپنے خیالات کا اظہار کیا۔
