ریلی میں شمال لوگوں کا یہ جذبہ سب کو متاثر کرنے والا ہے/ وزیر اعظم مودی
سرینگر // وزیر اعظم نریندر مودی نے کہا کہ جموں و کشمیر کے لوگوں کی طرف سے نکالی گئی ترنگا یاترا متاثر کن ہے۔سرینگر میں ترنگا ریلی کے انعقاد کے بعد لیفٹنٹ گورنر منوج سنہا کے ایکس پوسٹ کو دوبارہ پوسٹ کرتے ہوئے وزیر اعظم نریندر مودی نے کہا کہ جموں و کشمیر کے لوگوں کی طرف سے نکالی گئی ترنگا یاترا متاثر کن ہے۔انہوں نے پوسٹ میں لکھا ’’ ترنگا یاترا کے حوالے سے جموں و کشمیر کے لوگوں کا یہ جذبہ سب کو متاثر کرنے والا ہے‘‘۔ ایک دیگر پوسٹ میںوزیر اعظم نریندر مودی نے کہا کہ حکومت کسانوں کی زندگیوں میں خوشحالی لانے کیلئے بیج سے لے کر بازار تک ہر ممکن کوشش کر رہی ہے۔زراعت اور کسانوں کی بہبودکے مرکزی وزیر شیوراج سنگھ چوہان کے لکھے گئے ایک مضمون پر تبصرہ کرتے ہوئے وزیر اعظم نے ایکس پر پوسٹ کیا’’ملک بھر کے کسان بھائیوں اور بہنوں کی زندگیوں میں خوشحالی لانے کیلئے ہماری حکومت پرعزم ہے‘‘۔ وزیراعظم نریندر مودی نے کہا کہ ان کی حکومت کسانوں کی فلاح وبہبود کے تئیں پابند عہد ہے۔مودی نے کہا کہ کسانوں کے ساتھ ان کی میٹنگ ایک یادگار تجربہ تھا۔وزیراعظم نے ایکس پر پوسٹ کیا ’’ہماری حکومت کسانو کی فلاح وبہبود کے تئیں پابند عہد ہے۔
