جب تک بی جے پی کا آخری کارکن زندہ ہیں،ہریانہ، پنجاب اور کشمیر میں دہشت گردی کو پنپنے نہیں دیں گے/ امیت شاہ
پہلے درندازوں کو تلاش کرنے میں وقت لگتا تھا آج کوئی گھس آئے تو اگلے دن گھر میں گھس کر سرجیکل اسٹرائیک ہوتی ہے
سرینگر // جموں و کشمیر میں ہمارے فوجی جاں بحق ہو رہے ہیں اور کانگریس کہہ رہی ہے کہ ہم کشمیر میں دفعہ 370 کو واپس لائیں گے کی بات کرتے ہوئے وزیر داخلہ امیت شاہ نے کہا جب تک بی جے پی کا آخری کارکن زندہ ہیں،ہریانہ، پنجاب اور کشمیر میں دہشت گردی کو پنپنے نہیں دیں گے۔انہوں نے مزید کہا کہ پہلے منموہن سنگھ تھے، انہیں دراندازوں کو تلاش کرنے میں 15 دن لگے لیکن اب مودی جی وہیں ہیں، آج کوئی گھس آئے تو اگلے دن گھر میں گھس کر سرجیکل اسٹرائیک کرتے ہیں۔ سی این آئی مانیٹرنگ ڈیسک کے مطابق ہریانہ میں ایک انتخابی ریلی سے خطاب کرتے ہوئے وزیر داخلہ امیت شاہ نے کہا کہ کانگریس میں چھوٹے اور بڑے ہڈا کے درمیان لڑائی چل رہی ہے۔ انہوں نے کہا ’’ کانگریس میں باپ بیٹے کے درمیان لڑائی چل رہی ہے‘‘ ۔کانگریس پر نشانہ لگاتے ہوئے امیت شاہ نے کہا’’ جہاں ایک انار ہے اور سو بیمار ہیں، کیا وہ الیکشن جیتے گی؟ بڑے ہڈا اور چھوٹے ہڈا کے درمیان لڑائی چل رہی ہے۔ باپ بیٹے کے درمیان لڑائی چل رہی ہے‘‘۔ امیت شاہ نے کہا، پہلے منموہن سنگھ تھے، انہیں دراندازوں کو تلاش کرنے میں 15 دن لگے کیونکہ وہ کانگریس سے تعلق رکھتے تھے۔ اب مودی جی وہیں ہیں، آج کوئی گھس آئے تو اگلے دن گھر میں گھس کر سرجیکل اسٹرائیک کرتے ہیں۔ امیت شاہ نے انتخابی ریلی میں وعدہ کیا تھا کہ آنے والے تمام اگنیور کو حکومت ہند اور ہریانہ حکومت کی طرف سے پنشن کے ساتھ نوکریاں دی جائیں گی۔وزیرداخلہ شاہ نے کہا، یہ ہریانہ ہے، یہ ویر بھومی ہے۔ فوج کا ہر دسواں سپاہی ہریانہ سے آتا ہے۔ یہ ہریانہ کھلاڑیوں اور سپاہیوں کی ریاست ہے۔ 40 سال سے ہریانہ ون رینک، ون پنشن کا مطالبہ کرتا تھا، پورے ملک سے ہمارے فوجی جوان یہ مطالبہ کرتے تھے۔ مودی جی لے آئے۔ فوج کے جوانوں کے کھاتوں میں لاکھوں روپے چلے گئے۔انہوں نے کہا، جس جموں و کشمیر میں ہمارے فوجی شہید ہو رہے ہیں، کانگریس کہہ رہی ہے کہ ہم کشمیر میں دفعہ 370 کو واپس لائیں گے۔ وہ کہہ رہے ہیں کہ پتھراؤ کرنے والوں کو آزاد چھوڑیں گے، جب تک بی جے پی کے کارکن زندہ ہیں، وہ ہریانہ، پنجاب اور کشمیر میں دہشت گردی کو پنپنے نہیں دیں گے۔
