19 اپریل سے 7 مرحلوں میں انتخابات ہوں گے ، 4 جون کو ووٹوں کی گنتی کی جائیگی /الیکشن کمشنر راجیور کمار
انتخابات میں 97 کروڑ سے زیادہ ووٹر حق رائے دہی استعمال کرنے کے اہل ، لوگ اس تہوار میں بڑھ چڑھ کر حصہ لیں
ادھم پور میں 19 اپریل، جموںمیں 26 اپریل، اننت ناگ ،راجوری میں 7 مئی،سرینگر13 مئی اور بارہمولہ میں20 مئی کو ووٹنگ
سرینگر // تمام قیاس آرائیوں کو ختم کرتے ہوئے الیکشن کمیشن آف انڈیا نے ملک بھر میں لوک سبھا انتخابات کے شیڈول کا اعلان کرتے ہوئے کہا کہ 19 اپریل سے 7 مرحلوں میں انتخابات ہوں گے اور 4 جون کو ووٹوں کی گنتی کی جائیگی ۔ انہوں نے کہا کہ لوک سبھا انتخابات میں 97 کروڑ سے زیادہ ووٹر اپنے حق رائے دہی کا استعمال کرنے کے اہل ہیں اور ہر ایک پر زور دیا کہ وہ ’’سیاہی ‘‘لگائی ۔ انہوں نے رائے دہندگان سے اپیل کی ہے کہ وہ اس تہوار میں بڑھ چڑھ کر شرکت کریں ۔ سی این آئی کے مطابق نئی دلی میں ایک پریس کانفرنس کے دوران الیکشن کمشنر آف انڈیا راجیور کمار نے دو نئے الیکشن کمشنروں گیانیش کمار اور سکھبیر سنگھ سندھو کے ہمراہ پریس کانفرنس سے خطاب کرتے ہوئے لوک سبھا انتخابات کی تاریخوں کا اعلان کیا۔پریس کانفرنس کے دوران چیف الیکشن کمشنر راجیو کمار نے کہا کہ 19 اپریل سے شروع ہونے والے 7 مرحلوں میں ووٹنگ ہوگی۔نتائج کا اعلان 4 جون کو کیا جائے گا۔پہلے مرحلے کی ووٹنگ 19 اپریل کو، دوسرے مرحلے کی ووٹنگ 26 اپریل کو، تیسرے مرحلے کی ووٹنگ 7 مئی کو، چوتھے مرحلے کی ووٹنگ 13 مئی کو ہوگی،پانچویں مرحلے کی ووٹنگ 20 مئی، 6ویں مرحلے کی ووٹنگ 25 مئی کو ہو گیساتویں مرحلے کی ووٹنگ یکم جون کو ہوگی۔انہوں نے کہا کہ موجودہ لوک سبھا کی میعاد 16 جون کو ختم ہو رہی ہے اور اس سے پہلے ایک نیا ایوان تشکیل دینا ہو گا۔آندھرا پردیش، سکم، اروناچل پردیش اور اڈیشہ کی اسمبلیوں کی مدت بھی جون میں ختم ہو جائے گی۔انتخابی تاریخوں کے اعلان کے ساتھ ہی انتخابی ضابطہ اخلاق فوری طور پر نافذ ہو جائے گا۔ لوک سبھا انتخابات میں 97 کروڑ سے زیادہ ووٹر اپنے حق رائے دہی کا استعمال کرنے کے اہل ہیں کی بات کرتے ہوئے چیف الیکشن کمشنر راجیو کمار نے ہر ایک پر زور دیا کہ وہ ’’سیاہی لگائی ‘‘ ۔ پریس کانفرنس سے خطاب کرتے ہوئے کمار نے کہا کہ پولنگ اتھارٹی ملک بھر میں 10.5 لاکھ پولنگ اسٹیشن قائم کرنے کی تیاری کر رہی ہے۔انہوں نے کہا کہ یہ ہم سب کے لیے ایک تاریخی موقع ہے۔انہوں نے کہا کہ انتخابی پینل قومی انتخابات کو اس انداز میں کرانے کا وعدہ کرتا ہے جو عالمی سطح پر ہندوستان کی چمک میں اضافہ کر سکتا ہے۔کمار نے کہا’’تمام ریاستوں میں تشخیص کے بعد، ہمیں ایک یادگار، آزاد اور غیر جانبدارانہ انتخابات کو یقینی بنانے کا یقین ہے‘‘ ۔انہوں نے کہا’’ ہمارے پاس 97 کروڑ رجسٹرڈ ووٹر ہیں، 10.5 لاکھ پولنگ اسٹیشنوں پر 1.5 کروڑ اہلکار اور 55 لاکھ ای وی ایم ہیں۔‘‘کمار نے کہا کہ کمیشن نے 17 لوک سبھا انتخابات، 16 صدارتی انتخابات اور 400 سے زیادہ اسمبلی انتخابات کرائے ہیں۔سی ای سی نے کہا کہ 97.8 کروڑ اہل ووٹر ہیں جن میں سے 49.72 کروڑ مرد ووٹر اور 47.1 کروڑ خواتین ووٹر ہیں۔انہوں نے کہا کہ پہلی بار ووٹ دینے والوں کی تعداد 1.82 کروڑ ہے، گزشتہ 11 ریاستی انتخابات پرامن اور تشدد سے پاک تھے اور تقریباً صفر کے قریب دوبارہ پولنگ ہوئی، انہوں نے کہا کہ آگے جا کر اس میں مزید بہتری لائی جائے گی۔2019 کے لوک سبھا انتخابات میں سات مرحلوں میں پولنگ ہوئی تھی۔
