سرینگر// حکومت نے کشمیر کے تمام سرکاری و غیر سرکاری اسکولوں اور جموں کے سرمائی زون کے اسکولوں میں سرمائی تعطیلات کا اعلان کر دیا۔ محکمہ تعلیم کے پرنسپل سیکریٹری کی جانب سے جاری کئے گئے ایک حکم نامے کے مطابق نرسری سے لے کر پانچویں جماعت کے کلاسوں کے لئے سرمائی تعطیلات دس دسمبر سے 28فروری 2025تک جبکہ چھٹی سے لے کر بارہویں جماعت تک کی چھٹیاں 16دسمبر سے 28فروری 2025تک ہوگی۔
حکم نامے کے مطابق گورنمنٹ ہائی اور ہائر سکنڈری اسکولوں کا تدریسی عملہ 10فروری 2025سے متعلقہ ہیڈ کواٹرز میں دسویں ، گیارہویں اور بارہویں جماعت کے سالانہ بورڈ امتحانات کی تیاری اور انتظامات کے لئے دستیاب رہیں گے۔پرنسپل سیکریٹری کے مطابق تمام اساتذہ چھٹیوں کے دوران آن لائن رہنمائی کے لئے دستیاب رہیں گے۔انہوں نے کہاکہ اداروں کے سربراہان یا تدریسی عملے کی جانب سے حکم نامے کی خلا ف ورزی کرنے کی پادائش میں قواعد وضوابط کے تحت سخت کارروائی عمل میں لائی جائے گی۔
