2153559

نئی نسل کے سوالات اور اعتراضات کا جواب بھی نئی اور بہتر روش سے ہی دینا چاہئے

ایران// حوزہ علمیہ کے سرپرست آیت اللہ علی رضا اعرافی نے صوبہ قم کے ناظم تعلیمات اور کئی دوسرے حکومتی عہدیداروں کے ایک وفد سے ملاقات میں کہا: تعلیمی سلسلہ میں مختلف بحرانوں سے نمٹنے کے لئے قابل افراد کا ہونا ضروری ہے۔

انہوں نے نظامِ تعلیم میں موجود مختلف مسائل و مشکلات کا ذکر کرتے ہوئے کہا: تعلیمی و تربیتی امور کو عوام، انتظامی اداروں اور وزارتوں کی توجہ کا مرکز ہونا چاہیے۔

حوزہ علمیہ کے سرپرست نے کہا: ہر کسی کو نظامِ تعلیم میں بہتری کے لئے وزارتِ تعلیم کی مدد کرنی چاہیے چونکہ یہ تعلیم ہی ہے جو سب کی خدمت کرتی ہے۔

آیت اللہ اعرافی نے کہا: جن ممالک میں نظامِ تعلیم کو سرفہرست رکھا جاتا ہے وہ کامیاب اور ترقی یافتہ ممالک شمار ہوتے ہیں۔

انہوں نے مزید کہا: وہ تنظیمیں جو نئے کمپلیکس اور شہروں میں رہائش کی تعمیری منصوبوں کے خواہاں ہیں، انہیں مساجد اور اسکولز کی تعمیر پر بھی کافی توجہ دینی چاہیے۔

(حوزہ نیوز )

اس خبر پر اپنی رائے کا اظہار کریں

اپنا تبصرہ بھیجیں