غزہ کی مزاحمت موجودہ غیر منصفانہ عالمی نظام کو بدل دے گی، صدر ایران

ایران// ایران کے صدر نے مسئلہ فلسطین کی اہمیت پر تاکید کرتے ہوئے کہا ہے کہ غزہ کی مزاحمت غیر منصفانہ عالمی نظام اور دنیا کے حالات کو بدل دے گی۔

صدر ایران سید ابراہیم رئیسی نے کہا ہے کہ آج ایران اور عالم اسلام کا سب سے اہم مسئلہ فلسطین اور غزہ کا مسئلہ ہے۔

صدر رئیسی نے مزید کہا دنیا کے تمام انسانوں کے دلوں میں جو دکھ اور درد بیٹھا ہے وہ طاقتور کے ہاتھوں مظلوم سے ناانصافی کا درد، بے عملی کا درد اور مردوں، عورتوں اور بچوں کی فریاد کو نظر انداز کرنے کا درد ہے۔

صدر رئیسی نے غزہ کے عوام کی جرأت مندانہ مزاحمت کا ذکر کرتے ہوئے کہا کہ آج غزہ کی مزاحمت غیر منصفانہ عالمی نظام اور دنیا کے حالات کو بدل دے گی۔

صدر ایران نے امید ظاہر کی کہ شہداء کے پاکیزہ خون اور مزاحمتی قوتوں کی مزاحمت اور نیک لوگوں کی دعاؤں کی برکت سے دنیا پر موجودہ حکمرانی کرنے والا ظالم نظام بدل جائے گا اور ایک عادلانہ نظام غالب آئے گا ۔

انہوں نے مزید کہا کہ دوسرے یہ سوچ سکتے ہیں کہ وہ وقت بہت دور ہے، لیکن ہم اسے بہت قریب اور قابل عمل سمجھتے ہیں۔

(ارنا)

اپنا تبصرہ بھیجیں