4c6aff443b7cd92g0du 800c450

غزہ میں جوابی حملوں کے دوران 25 صیہونی فوجی ہلاک

غزہ// فلسطینی مجاہدین نے اپنی تازہ ترین کارروائیوں کے دوران کم سے کم پچیس صیہونی فوجیوں کو موت کے گھاٹ اتار دیا۔

حماس کے فوجی بازو القسام بریگيڈ نے چند مختصر بیانات جاری کرکے غزہ پٹی میں اپنی فوجی کارروائیوں کی تفصیلات بیان کی ہیں۔
القسام بریگیڈ نے خبر دی ہے کہ استقامت کے جوانوں نے مغربی شہر غزہ کے الجوازات علاقے میں پندرہ فوجیوں کو ہلاک کردیا۔ حماس کے فوجی بازو نے اپنے بیان میں کہا ہے کہ اس کے نوجوانوں نے الجوازات کے علاقے میں ہی ایک صیہونی بکتربند گاڑی کو یاسین ایک سو پانچ میزائل سے نشانہ بنا کر تباہ کردیا جبکہ کچھ صیہونی فوجیوں کو مغربی غزہ میں مارٹر سے نشانہ بنایا۔
القسام کی رپورٹ کے مطابق اس کے نوجوانوں نے گھات لگا کر تین اسرائیلی ٹینکوں پر یاسین ایک سو پانچ میزائلوں اور الشواط بموں سے حملہ کیا۔ جہاد اسلامی فلسطین کے فوجی بازو سرایا القدس نے بھی اعلان کیا ہے کہ اس کے جوانوں نے صیہونی انتہاپسندوں کے دس افراد پر مشتمل ایک گروہ کو آر پی جی سے نشانہ بنایا۔ (سحرنیوز)

اس خبر پر اپنی رائے کا اظہار کریں

اپنا تبصرہ بھیجیں