4710884

تل ابیب، صہیونی جنگی کابینہ میں کشیدگی بڑھ گئی

الجزیرہ کے حوالے سے کہا ہے کہ صہیونی ذرائع ابلاغ نے نتن یاہو کی جنگی کابینہ میں کشیدگی نمایاں ہورہی ہے۔ وزیراعظم اور بنی گینٹز کے درمیان اختلافات بڑھنے کی وجہ سے ایک دوسرے کے ساتھ بات چیت بند ہے۔

عبرانی ذرائع کے مطابق نتن یاہو کو گینٹز کے بارے میں شکو ک و شبہات ہیں کیونکہ امریکہ کے ساتھ خفیہ رابطے ہونے کا شک ہے۔

رپورٹ کے مطابق اسرائیلی پارلیمنٹ کے رکن گاڈی آئنزنکوٹ نے قیدیوں کے تبادلے کے حوالے سے مذاکرات پر تنقید کی تھی اورنتن یاہو کی ٹیم کو کمزور قرار دیا تھا۔

صہیونی اخبار معاریو نے کہا ہے کہ ایک سروے کے مطابق 45 فیصد اسرائیلی حماس کے ساتھ مذاکرات کے لئے اسرائیلی وفد بھیجنے کے خلاف ہیں جبکہ 33 فیصد اسرائیلی مذاکرات کی حمایت کرتے ہیں۔

دوسری جانب تل ابیب میں حماس کے ہاتھوں یرغمال صہیونیوں کی رہائی کے لئے احتجاج کررہے ہیں۔ صہیونی عوام بیت المقدس میں بھی مظاہرہ کرکے غزہ میں فوری جنگ بندی اور صہیونی یرغمالیوں کی رہائی کا مطالبہ کررہے ہیں۔

مہر خبر

اس خبر پر اپنی رائے کا اظہار کریں

اپنا تبصرہ بھیجیں