ایہود باراک کا شفا اسپتال کے نیچے اسرائیلی پناہ گاہ کی تعمیر کے بارے میں انکشاف
ایہود باراک نے انکشاف کیا کہ کئی دہائیوں قبل الشفاء ہسپتال کے نیچے صیہونیوں نے پناہ گاہیں اسوقت تعمیر کی تھیں جب غزہ ان کے کنٹرول میں تھا۔
صیہونی حکومت کے سابق وزیراعظم ایہود باراک نے شفا ہسپتال کے بارے میں چونکا دینے والی حقیقت کا انکشاف کیا ہے۔
سابق صیہونی وزیراعظم کے مطابق، 40 یا 50 سال پہلے جب غزہ صیہونی کنٹرول میں تھا اسوقت صیہونیوں نے اپنے لیے الشفاء ہسپتال کے نیچے یہ پناہ گاہیں بنائی تھیں۔
ایہود باراک کے مطابق ہم ان پناگاہوں کو آپریٹ کرتے تھے اور انکا مقصد اسپتال کے لیے مزید مگر محدود جگہ فراہم کرنا تھا۔
یہ انکشاف ایسے وقت میں کیا گیا ہے جب صہیونی فوج کے ترجمان دانیال ھاگاری نے غزہ میں شفا اسپتال کے نیچے ایک سرنگ کی دریافت کا اعلان کیا۔
