Download

ایرانی فوجی مشیر دہشت گردی کے خلاف سرگرمیاں جاری رکھیں گے، ایرانی وزیر خارجہ

ایران //ایران کے وزیرخارجہ نے ایکس پر ایک پیغام میں کہا ہے کہ ایران کے دفاعی مشیر دہشت گردی کے خلاف اور خطے میں امن برقرار کرنے کے لئے اپنی سرگرمیاں پوری طاقت کے ساتھ جاری رکھیں گے۔

انہوں نے شام میں سپاہ پاسداران انقلاب اسلامی کے اہلکاروں کی شہادت کے حوالے سے کہا کہ صہیونی حکومت دہشت گردی اور خطے کی سیکورٹی کو لاحق اصلی خطرہ ہے۔

انہوں نے کہا کہ اس طرح کی بزدلانہ کاروائیوں کے ذریعے صہیونی حکومت غزہ کے عوام کے خلاف اپنی شرمناک شکست پر پردہ ڈالنے میں کامیاب نہیں ہوسکتی ہے۔

وزیرخارجہ نے سپاہ پاسداران انقلاب کے شہداء کے لواحقین کے ساتھ یکجہتی اور ہمدردی کا اظہار کیا۔

یاد رہے کہ سپاہ پاسداران انقلاب اسلامی نے ہفتے کو ایک بیان میں کہا تھا کہ شام میں صہیونی حکومت کے حملے میں اس کے پانچ اراکین شہید ہوگئے ہیں۔

اس خبر پر اپنی رائے کا اظہار کریں

اپنا تبصرہ بھیجیں