ائمہ علیہم السلام نے اپنے شیعوں کو کبھی ان کے حال پر تنہا نہیں چھوڑا
ایران// حجۃ الاسلام کمال محمدی نے کہا: تمام ائمہ معصومین علیہم السلام نے شکوک و شبہات سے نمٹنے میں وقت اور جگہ کے تقاضوں کے مطابق شیعوں کو جواب دیا ہے اور انہیں کبھی بھی ان کے حال پر تنہا نہیں چھوڑا ہے۔
حجۃ الاسلام کمال محمدی نے بروز جمعرات جزیرہ قشم میں یوم شہادت امام کاظم علیہ السلام کے موقع پر مدرسہ امام صادق علیہ السلام میں منعقد ہونے والی مجلس عزا سے خطاب کرتے ہوئے کہا: امام جعفر صادق علیہ السلام (ع) نے اپنے دور امامت میں شیعہ ثقافت کو فروغ دینے کے لیے بہت سے طلبہ کی تربیت کی ۔
انہوں نے مزید کہا: امام کاظم (ع) کے زمانے میں ہارون الرشید جو کہ عباسیوں میں سب سے زیادہ ظالم و جابر حاکم تھا، امام علیہ السلام نے شیعہ ثقافت کو فروغ دینے کے لیے اپنے شاگردوں کے ذریعے لوگوں سے رابطے میں تھے۔ امام علیہ السلام کو اپنی امامت میں 4 سے زائد مرتبہ قید کیا گیا لیکن آپ کے شاگردوں نے لوگوں میں علم و معرفت کو فروغ دیا۔
حجۃ الاسلام کمال محمدی نے مزید کہا: تمام ائمہ معصومین علیہم السلام نے شکوک و شبہات سے نمٹنے میں وقت اور جگہ کے تقاضوں کے مطابق شیعوں کو جواب دیا ہے اور انہیں کبھی بھی ان کے حال پر تنہا نہیں چھوڑا ہے۔
